قلوب مقتولة

ابحث وادور عن أمل كـان  مفقـود ابحث مـع قلبـي عسانـي الاقيـه

صبري على نفسي غدا حيل محـدود وصبري على قلبي جبرني  اراعيـه

مهموم في صدري من الحزن مهدود كل الدواء مافـاد كـم لـي اداويـه

من قبل كان الشيب في الراس معدود واليوم شـاب الـراس اول وتاليـه

بعض الكلام قالوا على القلب محسود وبعض الكلام يصعب نقوله  ونحكيه

وين الامل وين الذي كـان موجـود وين الـذي كنـا مـن اول نسويـه

اليوم درب الشوق للقلـب  مسـدود محتار في صـدري وعينـي تبكيـه

جهزت اكفانـه مـع قبـر  ولحـود واليوم بعد الموت بالشعـر  ارثيـه

دمعات عيني تنطق الحـق وشهـود على فـؤاد مـات والنفـس تنعيـه